បន្ទាយមានជ័យ៖ ត្រពាំងកកោះ ដែលជាដីបុរាណដ្ឋានមួយ ស្ថិតក្នុងភូមិកន្រ្ទង់ ឃុំសារង្គ ស្រុកស្វាយចេក ខេត្តបន្ទាយមានជ័យ ត្រូវបានចុះបញ្ជីជាផ្លូវការជាដីសាធារណៈរបស់រដ្ឋ។ តំបន់បុរាណដ្ឋាននេះមានទំហំ ២៤៦០ ម៉ែត្រការ៉េ និងមានក្បាលដីលេខ ៦២៣ ។
ការចុះបញ្ជីនេះធ្វើឡើងដោយអនុវត្តតាមបច្ចេកទេសសុរិយោដី និងច្បាប់ភូមិបាល ក្រោមការដឹកនាំរបស់ក្រសួងរៀបចំដែនដី នគរូបនីយកម្ម និងសំណង់។ បន្ទាប់ពីការចុះបញ្ជីរួច ត្រពាំងកកោះត្រូវបានប្រគល់ឱ្យក្រសួងវប្បធម៌និងវិចិត្រសិល្បៈជាអ្នកកាន់កាប់ និងគ្រប់គ្រង ដោយអនុលោមតាមច្បាប់ស្តីពីកិច្ចការពារបេតិកភណ្ឌវប្បធម៌ ។
ទន្ទឹមនឹងនេះ ការគ្រប់គ្រងលើទ្រព្យសម្បត្តិរដ្ឋនេះក៏ស្ថិតក្រោមការត្រួតពិនិត្យពីក្រសួងសេដ្ឋកិច្ច និងហិរញ្ញវត្ថុ ដោយអនុវត្តតាមច្បាប់ស្តីពីការគ្រប់គ្រង ការប្រើប្រាស់ និងការចាត់ចែងលើទ្រព្យសម្បត្តិរបស់រដ្ឋផងដែរ ។ ការចុះបញ្ជីដីបុរាណដ្ឋាននេះជាផ្នែកមួយនៃកិច្ចខិតខំប្រឹងប្រែងរបស់រាជរដ្ឋាភិបាលក្នុងការការពារបេតិកភណ្ឌវប្បធម៌ និងទប់ស្កាត់ការទន្ទ្រានកាន់កាប់ដីរដ្ឋដោយខុសច្បាប់។
ត្រពាំងកកោះ ជាដីបុរាណដ្ឋាន ស្ថិតក្នុងភូមិកន្រ្ទង់ ឃុំសារង្គ ស្រុកស្វាយចេក ខេត្តបន្ទាយមានជ័យ ដែលមានទំហំ ២៤៦០ម៉ែត្រការ៉េ និងមានក្បាលដីលេខ៦២៣ ត្រូវបានចុះបញ្ជីជាដីសាធារណៈរបស់រដ្ឋ។
គួរបញ្ជាក់ផងដែរថា ត្រពាំងកកោះ ត្រូវបានចុះបញ្ជីតាមបច្ចេកទេសសុរិយោដី និងច្បាប់ភូមិបាល ដោយក្រសួងរៀបចំដែនដី នគរូបនីយកម្ម និងសំណង់ និងកាន់កាប់ដោយក្រសួងវប្បធម៌និងវិចិត្រសិល្បៈ តាមច្បាប់ស្តីពីកិច្ចការពារបេតិកភណ្ឌវប្បធម៌ ដោយមានការគ្រប់គ្រងពីក្រសួងសេដ្ឋកិច្ច និងហិរញ្ញវត្ថុ ទៅតាមច្បាប់ស្តីពីការគ្រប់គ្រង ការប្រើប្រាស់ និងការចាត់ចែងលើទ្រព្យសម្បត្តិរបស់រដ្ឋ៕
ដោយ៖ មឿន ឌីណា (Moeun Dyna)
