ភ្នំពេញ៖ រាជរដ្ឋាភិបាលកម្ពុជា សម្រេចកែសម្រួលបន្ថយអត្រាពន្ធលើមធ្យោបាយដឹកជញ្ជូនសម្រាប់រថយន្តអគ្គិសនី (អឺរី) មកនៅត្រឹម ៦០ ០០០រៀល និងខ្ពស់បំផុត ៨០០ ០០០រៀល តែប៉ុណ្ណោះ។ នេះបើតាមព្រឹត្តិបត្រព័ត៌មានប្រចាំសប្តាហ៍ លេខៈ១២៦ អគ្គនាយកដ្ឋានពន្ធដារ។

រាជរដ្ឋាភិបាលកម្ពុជា សម្រេចកែសម្រួលបន្ថយអត្រាពន្ធលើមធ្យោបាយដឹកជញ្ជូនដែលមានចែងក្នុងប្រការ៤ ចំណុចទី៦ ចាប់ពីកម្រិត គ ដល់ ង នៃប្រកាសលេខ ៧៣៨ សហវ.ប្រក.អពដ ចុះថ្ងៃទី៣១ ខែតុលា ឆ្នាំ២០២៤ របស់ក្រសួងសេដ្ឋកិច្ចនិង ហិរញ្ញវត្ថុ ដោយអត្រាពន្ធមានចាប់ពី ៦០ ០០០រៀល និងខ្ពស់បំផុតត្រឹមតែ ៨០០ ០០០រៀលតែប៉ុណ្ណោះ សម្រាប់រថយន្តប្រើប្រាស់ថាមពលអគ្គិសនី (អ៊ីវី) ប្រភេទទេសចរណ៍ ដឹកទំនិញធុនតូចមានទ្វារ៤ (ភិកអាប់) និងដឹកអ្នកដំណើរ។

ការកែសម្រួលនេះ ដើម្បីជំរុញការប្រើប្រាស់រថយន្តដែលប្រើប្រាស់ថាមពលអគ្គិសនី (អ៊ីវី) ស្របតាមគោលនយោបាយជាតិ ស្តីពីការអភិវឌ្ឍវិស័យយានយន្ត អគ្គិសនី ២០២៤-២០៣០។

យោងតាមសេចក្តីជូនដំណឹងលេខ០០៩ សហវ.សជណ.អពដ ចុះថ្ងៃទី២១ ខែសីហា ឆ្នាំ២០២៥ របស់ក្រសួងសេដ្ឋកិច្ចនិងហិរញ្ញវត្ថុ អត្រាពន្ធលើមធ្យោបាយដឹកជញ្ជូនថ្មី សម្រាប់រថយន្តប្រើប្រាស់ថាមពលអគ្គិសនី (អ៊ីវី) ត្រូវបានកំណត់ដូចខាងក្រោម៖

ដោយ៖ មឿន ឌីណា (Moeun Dyna)