អន្តរជាតិ៖ ប្រធានពាណិជ្ជកម្មរបស់សហភាពអឺរ៉ុប បាននិយាយថា ប្លុកដែលមានសមាជិកទាំង ២៧ប្រទេស នេះប្តេជ្ញាធានាកិច្ចព្រមព្រៀងពាណិជ្ជកម្មជាមួយសហរដ្ឋអាមេរិកដោយផ្អែកលើ "ការគោរព" មិនមែន "ការគំរាមកំហែង" នោះទេ។
វាកើតឡើងបន្ទាប់ពីប្រធានាធិបតីអាមេរិក លោក Donald Trump បានគំរាមថានឹងដាក់ពន្ធ 50% លើទំនិញទាំងអស់ដែលបញ្ជូនទៅសហរដ្ឋអាមេរិកពី EU។
ប្រធានពាណិជ្ជកម្មសហភាពអឺរ៉ុប លោក Maros Sefcovic បាននិយាយបន្ទាប់ពីការហៅទូរសព្ទជាមួយអ្នកតំណាងពាណិជ្ជកម្មអាមេរិក លោក Jamieson Greer និងរដ្ឋមន្ត្រីក្រសួងពាណិជ្ជកម្មលោក Howard Lutnick ថា "សហភាពអឺរ៉ុបបានចូលរួមយ៉ាងពេញលេញ ដោយបានប្តេជ្ញាចិត្តក្នុងការធានានូវកិច្ចព្រមព្រៀងដែលដំណើរការសម្រាប់ទាំងពីរ"។
"ពាណិជ្ជកម្ម EU-US គឺមិនអាចប្រៀបផ្ទឹមបាន ហើយត្រូវតែត្រូវបានដឹកនាំដោយការគោរពគ្នាទៅវិញទៅមក មិនមែនជាការគំរាមកំហែងទេ។ យើងត្រៀមខ្លួនរួចជាស្រេចដើម្បីការពារផលប្រយោជន៍របស់យើង"។
នៅព្រឹកថ្ងៃសុក្រ លោក Trump បានសម្តែងការមិនអត់ធ្មត់ចំពោះល្បឿននៃការចរចាពាណិជ្ជកម្មរវាងសហភាពអឺរ៉ុប និងសហរដ្ឋអាមេរិកដែលកំពុងបន្ត ដោយនិយាយថាផែនការរបស់លោកក្នុងការដំឡើងពន្ធនៅថ្ងៃទី១ ខែមិថុនាត្រូវបានកំណត់។
សរសេរនៅលើប្រព័ន្ធផ្សព្វផ្សាយសង្គម លោក Trump បាននិយាយថា "ការពិភាក្សារបស់យើងជាមួយ [EU] នឹងមិនទៅណាទេ" ដោយបបន្តថា នឹងមិនមានពន្ធគយសម្រាប់ផលិតផលដែលបានសាងសង់ ឬផលិតនៅក្នុងសហរដ្ឋអាមេរិកនោះទេ។ លោក បានប្រាប់អ្នកយកព័ត៌មាននៅពេលក្រោយថា "ខ្ញុំមិនស្វែងរកកិច្ចព្រមព្រៀងទេ យើងបានកំណត់កិច្ចព្រមព្រៀង" ការវិនិយោគដ៏ធំនៅសហរដ្ឋអាមេរិកដោយក្រុមហ៊ុនអ៊ឺរ៉ុបអាចធ្វើឱ្យ ខ្ញុំបើកចំហចំពោះការពន្យារពេល។
សហភាពអឺរ៉ុបគឺជាដៃគូពាណិជ្ជកម្មដ៏ធំបំផុតមួយរបស់ទីក្រុងវ៉ាស៊ីនតោន ដោយបានបញ្ជូនទំនិញច្រើនជាង $600bn (€528bn; £443bn) កាលពីឆ្នាំមុន និងទិញទំនិញមានតម្លៃ $370bn។
ប្រតិកម្មទៅនឹងការគំរាមកំហែងរបស់លោក Trump រដ្ឋាភិបាលអឺរ៉ុបបានព្រមានថាពន្ធខ្ពស់នឹងធ្វើឱ្យខូចខាតដល់ភាគីទាំងពីរ។
លោក Micheál Martin នាយករដ្ឋមន្ត្រីអៀរឡង់ បានលើកឡើងថា យើងមិនចាំបាច់ទៅតាមផ្លូវនេះទេ ការចរចាគឺជាមធ្យោបាយដ៏ល្អបំផុត និងតែមួយគត់ឆ្ពោះទៅមុខ។
រដ្ឋមន្ត្រីពាណិជ្ជកម្មបារាំង លោក Laurent Saint-Martin បានលើកឡើងថា យើងកំពុងរក្សាបន្ទាត់ដូចគ្នា: de-escalation ប៉ុន្តែយើងត្រៀមខ្លួនជាស្រេចដើម្បីឆ្លើយតប។
រដ្ឋមន្ត្រីក្រសួងសេដ្ឋកិច្ចអាល្លឺម៉ង់ លោកស្រី Katherina Reiche បានលើកឡើងថា ប្លុកនេះត្រូវតែធ្វើអ្វីគ្រប់យ៉ាង ដើម្បីឈានដល់ដំណោះស្រាយជាមួយសហរដ្ឋអាមេរិក។
ខណៈពេលដែល នាយករដ្ឋមន្រ្តីហូឡង់លោក Dick Schoof បានប្រាប់អ្នកយកព័ត៌មានថា លោកបានគាំទ្រយុទ្ធសាស្រ្តរបស់ EU ក្នុងកិច្ចពិភាក្សាពាណិជ្ជកម្ម ហើយយើងបានឃើញមុនពេលដែលពន្ធអាចកើនឡើង និងធ្លាក់ចុះនៅក្នុងការពិភាក្សាជាមួយសហរដ្ឋអាមេរិក។
សហភាពអឺរ៉ុបកំពុងចរចាជាមួយសហរដ្ឋអាមេរិកជាប្លុកមួយ ទោះបីជាលោក Stephen Moore អតីតទីប្រឹក្សាសេដ្ឋកិច្ចរបស់លោក Trump ដែលធ្វើការសម្រាប់ ក្រុមអភិរក្សនិយមនៃ Heritage Foundation បានប្រាប់ BBC ថា "អ្វីដែលអាចនឹងកើតឡើងនៅអឺរ៉ុប... គឺថា យើងអាចព្យាយាមចរចាជាលក្ខណៈបុគ្គលជាមួយបណ្តាប្រទេសនៅអឺរ៉ុប"។
លោកបានបនន្តថា តាមគំនិតរបស់គាត់ “គោលបំណងចុងក្រោយរបស់លោក Trump គឺពិតជាចង់បំបែកមិនត្រឹមតែសហរដ្ឋអាមេរិកប៉ុណ្ណោះទេ ប៉ុន្តែពិភពលោកទាំងមូលពីឥទ្ធិពលរបស់ចិន ដែលជារឿងល្អណាស់ ប្រសិនបើគាត់អាចដកវាចេញ”។
នៅដើមខែមេសា លោក Trump បានប្រកាសពន្ធប្រឆាំងនឹងបញ្ជីប្រទេសដ៏វែង រួមទាំងពន្ធ 20% លើទំនិញភាគច្រើនរបស់សហភាពអឺរ៉ុបដែលត្រូវបានលក់ទៅសហរដ្ឋអាមេរិក។ មិនយូរប៉ុន្មានក្រោយមក លោកប្រធានាធិបតី បានផ្អាកការយកពន្ធខ្ពស់រយៈពេលបីខែ រហូតដល់ថ្ងៃទី៨ ខែកក្កដា ដើម្បីអនុញ្ញាតឱ្យមានការចរចាបន្ថែមទៀត ប៉ុន្តែបានរក្សាការយកពន្ធមូលដ្ឋាន ១០% ប្រឆាំងនឹងដៃគូពាណិជ្ជកម្មរបស់សហរដ្ឋអាមេរិក។
ពន្ធខ្ពស់របស់អាមេរិក ក៏នៅមានដដែលប្រឆាំងនឹងប្រទេសចិន បើទោះជាត្រូវបានទម្លាក់យ៉ាងខ្លាំងក៏ដោយ។ ទោះបីជាមានការចុះថ្លៃពីលោក Trump ក៏ដោយ សហរដ្ឋអាមេរិកបានរក្សាពន្ធ ២៥% ប្រឆាំងនឹងការនាំចូលដែកថែប និងអាលុយមីញ៉ូមរបស់ EU នៅនឹងកន្លែង។
ការត្អូញត្អែររបស់លោក Trump អំពីអឺរ៉ុបបានផ្តោតលើអ្វីដែលលោកអះអាងថាជាទំនាក់ទំនងពាណិជ្ជកម្មមិនស្មើគ្នា ពោលគឺ EU លក់ទំនិញទៅសហរដ្ឋអាមេរិកច្រើនជាងការទិញពីអាមេរិក។ លោក Trump បានស្តីបន្ទោសឱនភាពពាណិជ្ជកម្មលើគោលនយោបាយដែលលោកអះអាងថាមិនយុត្តិធម៌ចំពោះក្រុមហ៊ុនអាមេរិក ហើយលោកបានលើកឡើងជាពិសេសអំពីការព្រួយបារម្ភអំពីគោលនយោបាយទាក់ទងនឹងរថយន្ត និងផលិតផលកសិកម្ម។
លោក Trump ក៏បានព្រមាន Apple ថាលោកនឹងដាក់ពន្ធនាំចូល ២៥% យ៉ាងតិចលើ iPhones ដែលមិនផលិតនៅអាមេរិក ក្រោយមកពង្រីកការគំរាមកំហែងដល់ស្មាតហ្វូនណាមួយ។
ភាគហ៊ុននៅសហរដ្ឋអាមេរិក និងសហភាពអឺរ៉ុបបានធ្លាក់ចុះកាលពីថ្ងៃសុក្រ បន្ទាប់ពីការគំរាមកំហែងចុងក្រោយបំផុត ដោយ S&P 500 របស់អាមេរិកបានធ្លាក់ចុះប្រហែល 0.7% និង Dax របស់អាល្លឺម៉ង់ និង Cac 40 របស់បារាំងបានបញ្ចប់មួយថ្ងៃធ្លាក់ចុះជាង 1.5%៕
ប្រភព៖ BBC
ប្រែសម្រួលដោយ៖ MD-Angkor
