ព្រះសីហនុ៖ ចាប់ពីខែមករា ដល់ខែកញ្ញា ឆ្នាំ២០២២ កំពង់ផែស្វយ័តក្រុងព្រះសីហនុ រកចំណូលបានប្រមាណ ២៦៦,៧៣០លានរៀល (ប្រមាណ ៦៥លានដុល្លារ)។ បើតាមទិន្នន័យរបស់កំពង់ផែស្វយ័តក្រុងព្រះសីហនុ បានបញ្ជាក់ថា រយៈពេល ៩ខែកន្លងមកនេះកំពង់ផែ ចំណេញបានចំនួនប្រមាណ ៩៨,១៥៩លានរៀល (ប្រមាណ ២៣លានដុល្លារ)។
នៅក្នុងទិន្នន័យរបស់កំពង់ផែស្វយ័តក្រុងព្រះសីហនុ បានដឹងឱ្យតាមឆមាសនីមួយៗនៃឆ្នាំ២០២២ ដែលទទួលបានចំណូលពីកំពង់ផែនេះរួមមាន៖
-នៅត្រីមាសទី១ ទទួលបានប្រាក់ចំណូលសរុប ចំនួន ៩០,៣៨៣,០៥៤,០០០រៀល និងទទួលបានប្រាក់ចំណេញសុទ្ធក្រោយបង់ពន្ធ ក្នុងការិយបរិច្ឆេទចំនួន ៣៣,០៤១,៨៥៤,០០០រៀល។
-នៅត្រីមាសទី២ ទទួលបានប្រាក់ចំណូលសរុបចំនួន ៩១,២៣០,២៨៩,០០០រៀល និងទទួលបានប្រាក់ចំណេញសុទ្ធ ក្រោយបង់ពន្ធក្នុងការិយ បរិច្ឆេទចំនួន ៤៤,៨៨៣,០៥៥,០០០រៀល។
-នៅត្រីមាសទី៣ ទទួលបានប្រាក់ចំណូលសរុបចំនួន ៨៥,១១៧,៣៦៤,០០០រៀល និងទទួលបានប្រាក់ចំណេញសុទ្ធ ក្រោយបង់ពន្ធ ក្នុងការិយបរិច្ឆេទចំនួន ២០,២៣៥,៣៨៧,០០០រៀល។
គូសបញ្ជាក់ថា នៅក្នុងឆ្នាំ២០២១ ការងារកំពង់ផែស្វយ័តក្រុងព្រះសីហនុ ទំនិញឆ្លងកាត់មានចំនួនប្រមាណ ៦.៩លានតោន កើនឡើង ៥.៩៩% និងចំណូលសរុបមានចំនួនប្រមាណ ៣៧៣ប៊ីលានរៀល (ប្រមាណ ៩០លានដុល្លារ) កើនឡើង ១៧.៦៤% ធៀបនឹងឆ្នាំ២០២០៕
ដោយ៖ មឿន ឌីណា (Moeun Dyna)
