​ភ្នំពេញ​៖​ ​ក្រុមហ៊ុន​ ​យូ​ញៀន​ ​ឌី​វេ​ឡុប​មេន​ ​គ្រុប​ ​ខូ​ ​អិល​ធី​ឌី​ ​“​UNION​ ​DEVELOPMENT​ ​GROUP​ ​CO​.​,​ ​LTD​”​ ​ដ៏​ធំ​របស់​ចិន​បាន​ធ្វើពិធី​បញ្ចុះ​បឋមសិលា​បើក​ការដ្ឋាន​សាងសង់​គម្រោង​ឈូងសមុទ្រ​តារា​ ​“​DARA​ ​COVE​”​ ​នៅ​ស្រុក​គីរីសាគរ​ ​ខេត្តកោះកុង​ ​។​

ពិធី​បញ្ចុះ​បឋមសិលា​បើក​ការដ្ឋាន​គម្រោង​ឈូងសមុទ្រ​តារា​ត្រូវ​បាន​រៀបចំ​ធ្វើឡើង​កាល​ថ្ងៃទី២០​ ​ខែកុម្ភៈ​ ​ឆ្នាំ២០១៩​ម្សិលមិញ​​នេះ​ក្រោម​អធិបតីភាព​ ​សម្ដេច​ពិជ័យ​សេនា​ ​ទៀ​ ​បាញ់​ ​ឧបនាយក​រដ្ឋមន្ត្រី​ ​រដ្ឋមន្រ្តី​ក្រសួងការពារជាតិ​ ​តំណាង​សម្តេច​អគ្គមហាសេនា​បតី​តេជោ​ ​ហ៊ុន​ ​សែន​ ​នាយក​រដ្ឋមន្ត្រី​ ​នៃ​ព្រះរាជាណាចក្រ​កម្ពុជា​។​

សម្ដេច​ពិជ័យ​សេនា​ ​ទៀ​ ​បាញ់​ ​ឧបនាយក​រដ្ឋមន្ត្រី​ ​រដ្ឋមន្រ្តី​ក្រសួងការពារជាតិ​បាន​ឪ្យ​ដឹង​ថា​ ​បច្ចុប្បន្ន​នេះ​ ​អាកាសយាន​ដ្ឋាន​ខ្នាត​អន្តរជាតិ​ ​ដែល​ជា​អាកាសយាន​ដ្ឋាន​អន្តរជាតិ​ទី៤​ ​នៅ​កម្ពុជា​ ​កំពុង​ត្រូវ​បាន​សាងសង់​ឡើង​ ​ដែល​នឹង​ធ្វើ​ឱ្យ​ប្រទេស​កម្ពុជា​ ​ជាមួយ​ប្រទេស​អាស៊ី​ ​និង​តំបន់​សំ​ខាន់​ៗ​ផ្សេងទៀត​ ​កាន់តែ​ខិត​ជិត​គ្នា​។​ ​

​សម្តេច​បន្ត​ថា​ ​“​មិន​តែប៉ុណ្ណោះ​ ​គម្រោង​នៃ​កំពង់ផែ​ចម្រុះ១០ម៉ឺន​តោន​ ​ក៏​ត្រូវ​បាន​អនុម័ត​សម្រាប់​ការសាងសង់​ផង​ដែរ​”​។​

​ជាមួយគ្នា​នោះ​ដែរ​ ​សម្តេច​ក៏បាន​ចូលរួម​ជា​សក្ខីភាព​ក្នុង​ពិធី​ចុះហត្ថលេខា​លើ​កិច្ចសន្យា​ ​ស្តី​ពី​ការ​ម៉ៅការ​សាងសង់​ ​និង​រចនាបថ​ ​គម្រោង​ឈូងសមុទ្រ​តារា​ ​“​DARA​ ​COVE​”​ ​រវាង​ក្រុមហ៊ុន​ ​UNION​ ​DEVELOPMENT​ ​GROUP​ ​CO​.​,​ ​LTD​ ​ជាមួយ​ក្រុមហ៊ុន​ ​MCC​ ​LAND​ ​(​SINGAPORE​)​ ​PTE​.​ ​LTD​.​ ​នៅ​ស្រុក​គីរីសាគរ​ ​ខេត្តកោះកុង​។​

​ក្រុមហ៊ុន​ ​យូ​ញៀន​ ​ឌី​វេ​ឡុប​មេន​ ​គ្រុប​ ​ខូ​ ​អិល​ធី​ឌី​ ​“​UNION​ ​DEVELOPMENT​ ​GROUP​ ​CO​.​,​ ​LTD​”​ ​ដ៏​ធំ​មួយ​នេះ​ ​បាន​ទទួល​ដីសម្បទាន​ពី​រដ្ឋាភិបាល​ចំនួន​ ​៤៥០០០​ ​ហិ​ក​តា​គ្រប​ដំ​ណ្តប់​ស្រុក​គិរី​សារ​គរ​ ​និង​បទុម​សារ​គរ​ក្នុង​ខេត្តកោះកុង​ ​មាន​គម្រោង​បោះទុន​វិនិយោគ​សរុប​ចំនួន​ ​៤០០០​ ​លាន​ដុល្លារ​អាមេរិក​ដោ​យក្នុ​ង​នោះមាន​គម្រោង​សាង​សង់​ព្រលា​នយន្តហោះ​ ​កំពង់ផែ​ទឹកជ្រៅ​ ​បុរី​ស្នាក់នៅ​ ​ទីលាន​វៃ​កូនគោល​ ​សណ្ឋាគារ​ ​តំបន់​លំហែកាយ​ ​មជ្ឈមណ្ឌល​សេវាកម្ម​ទេស​ចរ​ណ៍ ​និង​លំនៅ​ដ្ឋាន​ផ្សេង​ៗ​ទៀត​ជាច្រើន​៕​

ប្រភព : www.propertyarea.asia