​ភ្នំពេញ​៖​ ​រដ្ឋាភិបាល​ចាប់ផ្តើម​អនុវត្តន៍​ ​លើច្បាប់​ពន្ធ​លើ​អចលនទ្រព្យ​កាលពី​ឆ្នាំ​ ​២០១១​ ​ដោយ​ចាប់ផ្តើម​ប្រមូល​ពន្ធ​លើ​អចលនទ្រព្យ​ទាំងអស់​ ​នៅ​តាម​ទីតាំង​សំ​ខាន់​ៗ​នៅ​ទូទាំង​ប្រទេស​ ​ដើម្បី​ជា​ប្រយោជន៍​ដល់​ថវិការដ្ឋ​បាល​ ​ថ្នាក់ក្រោម​ជាតិ​ ​ត្រូវ​បង្កើត​ពន្ធ​លើ​អចលនទ្រព្យ​ ​ស្ថិតនៅ​ក្នុង​ភូមិ​សាស្រ្ត​រដ្ឋបាល​រាជធានី​ ​និង​ខេត្ត​ ​នៃ​ព្រះរាជាណាចក្រ​កម្ពុជា​។​

យោង​តាមច្បាប់​ពន្ធ​លើ​អ​ចន​ទ្រព្យ​របស់​អគ្គនាយក​ដ្ឋាន​ពន្ធដារ​នៃ​ក្រសួងសេដ្ឋកិច្ច ​និង​ហិរញ្ញវត្ថុ​បាន​ឲ្យដឹង​ថា​ ​អចលនទ្រព្យ​ជាប់ពន្ធ​លុះត្រា​​តែ​អចលនទ្រព្យ​នោះ ​មានតម្លៃ​សរុប​លើស​ពី ១០០លាន​រៀល​ ​(​២៥,០០០ដុល្លារ​)​ ​ឡើង​ទៅ​។​ ​

ពន្ធ​នេះ​ត្រូវ​ប្រមូល​ប្រចាំឆ្នាំ​តាម​អត្រា​ ​០,១​%​ ​(​សូន្យ​ក្បៀស​មួយភាគរយ​)​ ​លើ​តម្លៃ​អចលនទ្រព្យ​។​ ​មូលដ្ឋាន​គិត​ពន្ធ​ ​គឺជា​តម្លៃ​ ​ដី​ ​ផ្ទះ​ ​អគារ​ ​និង​សំ​ណង់​ផ្សេង​ៗ​ ​ដែល​សង់​ភ្ជាប់នឹង​ដី​នោះ​ ​ដោយ​កាត់បន្ថយ​នូវ​ទឹកប្រាក់​ចំនួន ១០០,០០០,០០០​ ​(​មួយ​រយ​លាន​)​ ​រៀល​។​ ​

តម្លៃ​ ​ដី​ ​ផ្ទះ​ ​អគារ​ ​និង​សំ​ណង់​ផ្សេង​ៗ​ ​ដែល​សង់​ភ្ជាប់នឹង​ដី​នោះ​ ​ត្រូវ​កំណត់​តាម​តម្លៃ​ទីផ្សារ​ ដោយ​គ​ណ​កម្មា​ការវាយតម្លៃ​អចលនទ្រព្យ​ដែល​​បង្កើត​ដោយ​ប្រកាស​របស់​រដ្ឋមន្ត្រី​ក្រសួងសេដ្ឋកិច្ច​ ​និង​ហិរញ្ញវត្ថុ​។​

ពាក្យ​ថា​ ​«​អចលនទ្រព្យ​»​ ​សំដៅ​ដល់​ដី​ ​ផ្ទះ​ ​អគារ​ ​និង​សំ​ណង់​ផ្សេង​ៗ​ដែល​សង់​ភា្ជប់​នឹង​ដី​នោះ​៕

ប្រភព : www.propertyarea.asia