Register Already an agent ? Login

អ្នកជំនាញ​អះអាងថា ទីផ្សារ​អា​ផាត​ម៉ិ​ន​នៅ​បឹង​កេងកង១ នៅតែមាន​សញ្ញា​ល្អ


Fri, 25 Jan 2019

ភ្នំពេញ៖ អ្នកជំនាញ​អចលនទ្រព្យ​បាន​អះអាងថា ទីផ្សារ​អា​ផាយ​ត​ម៉ិ​ន​នៅ​តំបន់​បឹង​កេងកង១ នៅតែមាន​ភាព​ពេញនិយម ក្នុងចំណោម​តំបន់​នានា​នៅក្នុង​រាជធានី​ភ្នំពេញ​ដែល​ធ្វើឱ្យ​អត្រា​ជួល​បាន​គ្របដណ្តប់​ដល់​ជាង ៩០ភាគរយ។

លោក Ken Lo អគ្គនាយក​ក្រុមហ៊ុន Century 21 Imperial Realty Co, Ltd បានឱ្យដឹង​តាម​ទូរស័ព្ទ​នៅ​ថ្ងៃទី ២៤ ខែមករា ឆ្នាំ ២០១៩ នេះ​ថា អា​ផាត​មិន​ប្រភេទ A និង B ត្រូវបាន​ជួល​ឱ្យ​អតិ​ជន​អស់​ស្ទើរតែ ១០០ភាគរយ ដែល​ភាគច្រើន​ជួល​ទៅឱ្យ​អ្នកជំនួញ​គ្រប់​ជាតិ​សាសន៍ តែ​ក្នុងចំណោម​នោះ ឃើញ​មានការ​ជួល​ពី​អ្នកជំនួញ​ជនជាតិ​ចិន​ច្រើនជាងគេ បន្ទាប់មក​កូរ៉េ ជប៉ុន និង​អឺរ៉ុប​ជាដើម។

លោក​បន្តថា “ពួកគេ​ពេញ​និយមនៃ​ការជួល​អា​ផាត​ម៉ិ​ន ប្រភេទ​ទាំងពីរ​នេះ​ច្រើនជាងគេ ដោយសារ​មានការ​បំពាក់​បរិក្ខា​ទំនើប​នៅក្នុង​បន្ទប់ ក្នុងចំណោម​អា​ផាត​មិន ប្រភេទ​ផ្សេងទៀត។

លោក​បន្តថា “លក្ខ​ខ័​ណ្ឌ​ទីតាំង​តំបន់​នេះ​ក៏មាន​ភាព​អំណោយផល ដោយ​វា​ស្ថិតនៅ​ចំ​កណ្តាល​ក្រុង ដែល​ផ្តល់​ភាពងាយស្រួល​ដល់​ពួកគេ​ក្នុងការ​ធ្វើដំណើរ​ទៅវិញទៅមក ជាពិសេស​នៅក្នុង​តំបន់​នេះ មិនមាន​ការ​រ​ណី​ឆក់ ឬ​ប្លន់​នោះទេ មាន​ផ្សារ​ទំនើប ម៉ា​ត ហាង​ម៉ាក់ល្បីៗ សាលារៀន និង ភោជនីយដ្ឋាន​គ្រប់​ប្រភេទ​ទាំង​កូរ៉េ ចិន ខ្មែរ អាមេរិក និង​អឺរ៉ុប​ជាដើម​ដោយ​មិន​ចំណាយពេល​ទៅណា​ឆ្ងាយ​នោះទេ។

លោក​បញ្ជាក់ថា តម្លៃ​នៃ​ការជួល​អា​ផា​មិន​ប្រ​ភេ A ចន្លោះ​ពី១០០០ ទៅ ១៣០០ដុល្លារ​អាមេរិក និង​ប្រភេទ B មានតម្លៃ​ចន្លោះ ៨០០ ទៅ ១១០០ដុល្លារ​អាមេរិក ក្នុង​មួយខែ​សម្រាប់​មួយ​យូ​នី​ត និង​បន្ទប់​គេង១ ។

លោក​បញ្ជាក់ទៀតថា ប្រជាពលរដ្ឋ​ដែល​រស់នៅ និង​អ្នកមាន​អា​ផាត​ជួល​នៅក្នុង​តំបន់​នេះ មាន​ជីវភាព​ធូ​ធា​ខ្លាំងណាស់​ដោយ​ទទួលបាន​ចំណូល​ពី​ការជួល ក៏ដូចជា​ប្រកបមុខរបរផ្សេង។

លោក Ken Lo បាន​បន្តថា ពីមួយ​ឆ្នាំទៅ​មួយឆ្នាំ តម្លៃ​ជួល​អា​ផាត​មិន​នៅក្នុង​តំបន់​បឹង​កេងកង១នេះ​មិនមាន​អ្វី​ប្រែល​ខ្លាំង​នោះទេ តែ​សម្រាប់​អា​ផាត​មិនដែល​ទើប​សាងសង់​រួច​អាចមាន​កើនឡើង​ខ្លះ និង​បានដាក់​ជួល​ប្រហែល៥គំរោង​កាលពី​ដំណាច់​ឆ្នាំមុន៕

ប្រភព : www.propertyarea.asia