Register Already have an account ? Login

អស្ចារ្យ! ទីក្រុង​រណប​តម្លៃ​រាប់រយ​លាន​ដុល្លារ​ចាប់ផ្តើម​បើក​ការដ្ឋាន​នៅ​ក្រុង​បាវិត​នា​ថ្ងៃ​នេះហើយ


Thu, 10 Jan 2019

ក្រុង​បាវិត៖ ទីក្រុង​រណប​តម្លៃ​រាប់រយ​លាន​ដុល្លារ​បានចាប់ផ្តើម​បុកគ្រឹះ​បើក​ការដ្ឋាន​សាងសង់​ក្នុង​ក្រុង​បាវិត​នា​ថ្ងៃនេះ​នៅលើ​ទំហំ​ដី​ជាង ១០០០ហិកតា តែ​ក្នុងដំណាក់កាល​ដំបូង​ខាង​ក្រុមហ៊ុន​សាងសង់​នៅលើ​ទំហំ​ទំហំ​ដី ៥៧ ហិកតា។

អគ្គនាយក​ក្រុមហ៊ុន Empire World លោក Eric Loo ដែលជា​អ្នកវិនិយោគ​គំរោង​ទីក្រុង​រណប​នេះ បាន​មានប្រសាសន៍​ឲ្យ​ដឹង​កាលពី​ចុង​សប្តាហ៍​មុន​ថា លោក​បាន​សិក្សា​ពី​បណ្តា​ប្រទេស​ក្នុង​តំបន់​អាស៊ាន និង​បណ្តា​ទីក្រុងសំខាន់ៗរបស់​កម្ពុជា ទើប​ចុងក្រោយ​សម្រេច​វិនិយោគ​គំរោង​ទីក្រុង​រណប​នេះ​ឡើង ដែលជា​គំរោង​លំដាប់​អន្តរជាតិ​ដ៏​ធំ​មួយ ដែលមាន​ផ្ទៃដី​ជាង១០០០ហិកតា ប៉ុន្តែ​ដំណាក់​ល​កាល​ទី១ យើង​អភិវឌ្ឍន៍​ទីក្រុង​នេះ​លើ​ផ្ទៃដី៥៧ហិកតា។

លោក​បន្តថា “ទីក្រុង​រណប​នេះ​មាន​រួមបញ្ចូល​នូវ​កាស៊ីណូ សណ្ឋាគារ​កម្រិត​ផ្កាយ៥ អា​ផាត​ម៉ិ​ន​ប្រណីត បណ្តុំ​នៃ​ភោជនីយដ្ឋាន និង​មជ្ឈមណ្ឌល​បច្ចេកវិទ្យា ដើម្បី​ធ្វើយ៉ាងណា​ជួយ​រដ្ឋាភិបាល​គ្រប់គ្រង Game Online នៅ​កម្ពុជា។លោក​បន្តថា “រហូតមកទល់​ពេលនេះ​មាន​ក្រុមហ៊ុន​ចំនួន​ជាង៤០ហើយ បាន​សហការ​ជាមួយ​យើង និង​ហាង​អាហារ និង​ភេ​ជ្ជៈល្បីៗប្រមាណ១០០បាន​ចុះ​កុងត្រា ដើម្បី​បើក​នៅក្នុង​គំរោង​នេះ​រួចហើយ។

ក្រៅពី​ទីក្រុង​រណប​នេះ ក្រុមហ៊ុន​របស់​ចិន​មួយទៀត ក៏បាន​បើក​ដំណើរការ​សាងសង់​ទីក្រុង​រណប​លើ​ផ្ទៃដី៧ហិកតា នៅក្នុង​ទីក្រុង​បាវិត​រួចហើយ ដោយ​ដាក់ឈ្មោះ​ទីក្រុង​ហេង​ហេង។

លោក Eric Loo បាន​មានប្រសាសន៍​ឲ្យ​ដឹង​ទៀតថា ក្រុង​បាវិត​មាន​លក្ខណៈពិសេស​ជាច្រើន ដោយ​ស្ថិតនៅក្នុង​គំរោង​ខ្សែក្រវ៉ាត់១ ផ្លូវ​មួយ​របស់​ចិន និង​មាន​ទីតាំងនៅ​កៀក​នឹង​ក្រុង​ហូ ជី​ម៉ិ​ញ​ប្រទេស​វៀតណាម ដែល​ងាយស្រួល​ក្នុងការ​ដឹកជញ្ជូន​និង​ពង្រីក​ការតភ្ជាប់​លើ​វិស័យ​ពាណិជ្ជកម្ម។

តាម​ព៌​ត​មាន​ជាក់លាក់​បាន​ឲ្យ​ដឹងថា បច្ចុប្បន្ន​មាន​ជនជាតិ​ចិន និង​អ្នកវិនិយោគ​ចិន​ប្រមាណ៥០,០០០នាក់ បាននិងកំពុង​ធ្វើការ និង​វិនិយោគ​នៅ​ទីក្រុង​នេះ ដែល​នៅ​ឆ្នាំ២០២៥ខាងមុខ ទីក្រុង​បាវិត​នឹងមាន​មនុស្ស​រស់នៅ​ប្រមាណ២០ម៉ឺន​នាក់។

លោក Eric Loo បាន​បន្តថា គោលដៅ​នៃ​ការអភិវឌ្ឍ​ទីក្រុង​រណប​នេះ យើង​នឹង​សហការ​ជាមួយ​ដៃគូ​វិនិយោគ​អន្តរជាតិ​ដទៃទៀត ដែល​បច្ចុប្បន្ន​មាន​ក្រុមហ៊ុន​កាន់តែច្រើន​បាន​ចាប់អារម្មណ៍ ក្រៅពី​ដៃគូ​ដែល​យើង​មាន​ប្រមាណ៤០ក្រុមហ៊ុន​រួចហើយ។

រដ្ឋាភិបាល​កម្ពុជា​បានដាក់​ក្រុង​បាវិត ជា​តំបន់​អភិវឌ្ឍន៍​ឧស្សាហកម្ម ក្នុង​គោលនយោបាយ​អភិវឌ្ឍន៍​វិស័យ​ឧស្សាហកម្ម​ឆ្នាំ២០១៥ – ២០២៥ ជាមួយ​ទីក្រុង​ពីរ​ផ្សេងទៀត គឺ​ខេត្ត​ព្រះសីហនុ និង​ក្រុង​ប៉ោយប៉ែត។

ក្រុង​នៃ​ឧស្សាហកម្ម មានន័យថា​រដ្ឋាភិបាល​នឹង​រៀបចំ​ហេ​ដ្ឋា​រចនា​ស​ម្ព័​ន្ឋ​ទាំង​ផ្នែក​រ៉ឹង និង​ផ្នែក​ទន់ ដើម្បី​ប្រែក្លាយជា​មជ្ឈមណ្ឌល​ឧស្សាហកម្ម ពាណិជ្ជកម្ម និង​ហិរញ្ញវត្ថុ​លំដាប់​ពិភពលោក។

លោក Eric Loo បាន​បន្តថា ហេតុដែល​យើង​វិនិយោគ​នៅ​ទីក្រុង​រណប​នេះ ដោយសារ​វា​ជាទី​ក្រុង​បែប​យុ​ទ្ឋ​សាស្ត្រ ដែល​ស្ថិត​នៅជាប់​ព្រំដែន​អន្តរជាតិ ដែល​កម្ពុ​ជាមាន​ព្រំដែន​លំដាប់​អន្តរជាតិ​ចំនួន​ពីរ គឺ​ព្រំដែន​បាវិត និង​ប៉ោយប៉ែត ដែល​រដ្ឋាភិបាល​មិនអាច​បិទ​បានទេ ដោយសារ​វា​ជា​ផ្នែក​មួយ​នៃ​សហគមន៍​សេដ្ឋកិច្ច​អាស៊ាន។លោក​បន្តថា យើង​មិន​ត្រឹមតែ​អភិវឌ្ឍន៍​ហេ​ដ្ឋា​រចនា​ស​ម្ព័​ន្ឋ​រ៉ឹង​នោះទេ តែ​យើង​នឹង​ចូលរួមចំណែក​បណ្តុះបណ្តាល​ធនធានមនុស្ស​ផងដែរ ព្រោះ​បច្ចុប្បន្ន​កម្ពុជា​មិនទាន់ មាន​ធនធានមនុស្ស​គ្រប់គ្រាន់​នៅឡើយ​ទេ ហេតុនេះ​នៅក្នុង​ក្រុង​រណប​នេះ យើង​ក៏មាន​សាងសង់​សាលារៀន​លំដាប់​អន្តរជាតិ​ផងដែរ។

ទីក្រុង​បាវិត ពិសេស​ផ្លូវជាតិ​លេខ១ជា​ផ្នែក​មួយ​នៃ​ផ្លូវ​អាស៊ាន និង​ស្ថិតនៅក្នុង​យុ​ទ្ឋ​សាស្ត្រ​ត្បូង ត្បូង ដើម្បី​អភិវឌ្ឍន៍ និង​ត​ភ្ជាប់​ហេ​ដ្ឋា​រចនា​ស​ម្ព័​ន្ឋ​អាស៊ាន៕

ប្រភព : www.propertyarea.asia