ភ្នំពេញ៖ មន្ត្រីជំនាញក្រសួងសាធារណការ និងដឹកជញ្ជូនបានថ្លែងឲ្យដឹងថា ការជួសជុលស្ពានជ្រោយចង្វារបានបញ្ចប់ជិត១០០ភាគរយហើយ ខណៈក្រសួងកំពុងរកពេលវេលាសមស្របដើម្បីបើកដំណើរការស្ពាននេះឡើងវិញ។
![](http://s4.kh1.co/9c/9c1cc1f954862b984aaa335207330dac996a4306.jpg)
ប្រធាននាយកដ្ឋានផ្លូវថ្នល់ នៃក្រសួងសារធាណការ និងដឹកជញ្ជូន លោកឈឹម ផល្លាបានមានប្រសាសន៍ឲ្យដឹងនាព្រឹកថ្ងៃទី៩ មករានេះថា រហូតមកដល់ពេលនេះ ការជួសជុលស្ពានជ្រោយចង្វាចាស់ សម្រេចបានជិតបាន១០០ភាគរយហើយ ដែលគម្រោងនេះ ដែលគម្រោងផែនការនេះត្រូវបញ្ចប់មុនការកំណត់។ លោកបន្ថែមថា គម្រោងនេះ នឹងបញ្ចប់នៅមុនបុណ្យចូលឆ្នាំខ្មែរ ហើយក្រសួងសាធារណការ នឹងរកពេលវេលាសមស្របមួយ ដើម្បី កំណត់ពីពេលវេលាបើកឱ្យដំណើរការស្ពានជ្រោចង្វាចាស់នេះឡើងវិញ ជាមួយនឹងម្ចាស់ជំនួយ គឺ JICA ។
![](http://s4.kh1.co/cc/ccb3eadb2e9f88dfef694e47dd89bfafc10aa8a7.jpg)
លោកបន្តថា ក្រសួង និងទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន(JICA) នឹងពិភាក្សាគ្នា ដើម្បីកំណត់ថ្ងៃដើម្បីបើកដំណើរការស្ពាននេះឡើងវិញ។ លោកបន្តទៀតថា “តាមគំរោងស្ពាននេះនឹងបញ្ចប់ការជួសជុលនៅខែ៨ឬខែ៩ឆ្នាំ២០១៩ នៃបើតាមផែនការកំណត់ ប៉ុន្តែការជួសជុលបានលឿនជាងពេលកំណត់ ហេតុនេះទើបក្រសួងគ្រោងនឹងបើកឱ្យដំណើរមុនបែបនេះ។
![](http://s4.kh1.co/3c/3ca34d0281566f9f250f12cf180cca1eefed50b3.jpg)
ប្រភព : www.propertyarea.asia