ព្រះសីហនុ៖ រដ្ឋបាលខេត្តព្រះសីហនុ បានផ្តើមរៀបចំព្រឹត្តិការណ៍ឆ្លងឆ្នាំសកល ២០១៨-២០១៩ និងពិពណ៏ពាណិជ្ចកម្ម នៅឆ្នេរឯករាជ្យ ស្ថិតក្នុងសង្កាត់លេខ៣ ក្រុងព្រះ សីហនុដើម្បីទាក់ទាញភ្ញៀវទេសចរណ៍ជាតិ និងអន្តរជាតិមកលេងកម្សាន្តឪ្យបានកាន់តែច្រើនបន្ថែមទៀតនៅក្នុងខេត្តជាប់មាត់សមុទ្រមួយនេះ។

លោក យន្ត មីន អភិបាលខេត្តព្រះសីហនុ នៅក្នុងបើកព្រឹត្តិការណ៍ឆ្លងឆ្នាំសកល២០១៨-២០១៩ កាលពីថ្ងៃទី២៨ ខែធ្នូ ឆ្នាំ២០១៨ គូស បានបញ្ជាក់ថា នេះជាព្រឹត្តិការណ៍លើកទី៧ ដែលរដ្ឋបាលខេត្ត សហការជាមួយសភាពាណិជ្ជបង្កើតព្រឹត្តិការណ៍សប្បាយរីក រាយបំរើអារម្មណ៍កម្សាន្តដល់ភ្ញៀវទេសចរជាតិ អន្តរជាតិ ។

លោកអភិបាលបន្តថា ព្រឹត្តិការណ៍ទេសចរណ៍សប្បាយក្នុងឱកាសឆ្លងឆ្នាំសកល និងបង្ហាញភាពជាដៃគូរចូលរួមផ្សព្វផ្សាយសក្តានុពលទេសចរណ៍ និងរួមចំណែកអភិវឌ្ឍខេត្ត មានភាពរីកចម្រើនធ្វើឱ្យជីវភាព រស់នៅរបស់ប្រជាពលរដ្ឋមានភាពធូរធារ ក្រោមការដឹកនាំប្រកបដោយបញ្ញាញាណ និងឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងនយោបាយឈ្នះឈ្នះរបស់សម្តេចយ៉ាងពិតប្រាកដ ។

លោកបន្តថា រយៈពេល ២ឆ្នាំ ខេត្តព្រះសីហនុ កំពុងមានការអភិវឌ្ឍយ៉ាងគំហុក លើគ្រប់វិស័យ ពិសេសក្នុងវិស័យសំណង់ មានការសាងសង់អគារធំៗយ៉ាងព្រោងព្រាត ដែលមានវិនិយោគគិនខ្មែរ និងបរទេសមកបណ្តាក់ទុនរកស៊ីនៅខេត្តព្រះសីហនុ ។

បញ្ហាទាំងនេះកើតឡើងដោយសត្យានុម័ត វានឹងហុចផលល្អប្រសើរហួសពីការរំពឹងទុក ដល់បងប្អូនពលរដ្ឋក្នុងខេត្ត នាពេលខ្លីខាងមុខជាក់ជាមិនខាន និងសូមអំពាវនាវប្រជាពលរដ្ឋ ចូលរួមសំអាតអនា ម័យ បរិស្ថាននៅតាមលំនៅឋានរៀងៗខ្លួន ក៍ដូចតាមទីធ្លាសាធារណៈ គោរពច្បាប់ចរាចរណ៍ ចូលរួមអនុវត្តគោលនយោបាយភូមិ ឃុំ មានសុវត្ថិភាព ដើម្បីទទួលបាន ផលល្អ៕

ប្រភព : www.propertyarea.asia