Register Already an agent ? Login

សណ្ឋាគារ​លំដាប់​អន្តរជាតិ​ថ្មី​មួយទៀត​បើក​ដំណើរការ​នៅ​កណ្តាល​រាជធានី​ភ្នំពេញ


Wed, 19 Dec 2018

ភ្នំពេញ៖ ស្រប​ពេលដែល​ស្ថិរភាព​នយោបាយ និង​កំនើនសេដ្ឋកិច្ច​មាន​ភាព​ល្អប្រសើរ ពិសេស​ការកើនឡើង​នូវ​ភ្ញៀវ​ទេសចរណ៍​អន្តរជាតិ បានធ្វើ​ឲ្យ​អ្នកវិនិយោគ​ក្នុងស្រុក​បាន​បោះទុន​វិនិយោគ​សាងសង់ សណ្ឋាគារ​លំដាប់​អន្តរជាតិ​មួយ​នៅ​ទីក្រុង​ភ្នំពេញ។

ស្ថិតនៅក្នុង​ទីតាំង​ដ៏​ល្អ​នៃ​ទីប្រជុំជន​ក្នុង​រាជធានី​ភ្នំពេញ ផ្លូវ ១៤៣ កែងផ្លូវ ៣០៤ សង្កាត់អូឡាំពិក V Boutique Hotel បានបង្ហាញ​ខ្លួន​យ៉ាង​ជ​ង្គ្រឹង និង​ស្រស់ស្អាត សម្រាប់​ផ្គត់ផ្គង់​ដល់​ការ​ស្នាក់នៅ និង​ជា​សណ្ឋាគារ​លំដាប់​អន្តរជាតិ​កម្រិត​ផ្កាយ៤នៅ​កម្ពុជា ។

លោក ឈុន ឃុន នាយក​គ្រប់គ្រង​សណ្ឋាគារ V Boutique Hotel បាន​មានប្រសាសន៍​ឲ្យ​ដឹង​នា​ព្រឹក​ថ្ងៃទី១៨ ធ្នូ​នេះ​ថា សណ្ឋាគារ​មួយ​នេះ​ទើបតែ​ដាក់ឱ្យ​ដំណើរការ​សាកល្បង​កាលពី​អំឡុង​ខែវិច្ឆិកា កន្លងទៅ​តែប៉ុណ្ណោះ ខណៈដែល​វេលា​បើក​ដំណើរការ​ជា​ផ្លូវ​ការណ៍​នឹងត្រូវ​ធ្វើឡើង​នៅត្រឹម​ថ្ងៃ​ទ​ទី១ ខែមករា ឆ្នាំ២០១ឆាប់ៗខាងមុខនេះ ដែល​យើង​បានផ្តល់​ការងារ​ដល់​បុគ្គលិក​ប្រុស ស្រី​ចំនួន​ជាង៣០នាក់។

លោក​បាន​បន្ថែមទៀតថា សណ្ឋាគារ​នេះ​មាន​កំពស់១០ជាន់ ស្មើនឹង៦០បន្ទប់ ដោយ​ត្រូវបាន​បែង​ចែកចេញជា៥ប្រភេទ​ផ្សេង​ពីគ្នា ជាមួយនឹង​តម្លៃ​ក្នុងការ​ស្នាក់នៅ​ចាប់ពី៦០ដុល្លារ​សហរដ្ឋអាមេរិក​ឡើងទៅ​ក្នុង​មួយ​យប់ ហើយ​នៅក្នុង​សណ្ឋាគារ​ក៏មាន​អាហារ​ដ្ឋា​ន​សម្រាប់​អតិថិជន​ផងដែរ ដែល​រាល់​អតិថិជន​អាចធ្វើ​ការ​កក់​បន្ទប់​ក្នុង​រយៈពេល២៤ម៉ោង​លើ២៤ម៉ោង។

លោក ឈុន ឃុន ក៏បាន​បញ្ជាក់​ផងដែរ​ថា នៅត្រឹម​រយៈពេល​ជាង​មួយខែ​នៃ​ការបើក​ដំណើរការ​សាកល្បង​កន្ល​ង​ទៅនេះ ជា​លទ្ធផល​អតិថិជន​ដែល​ចូលមក​ទទួល​សេវា​ស្នាក់​នៅក្នុង​សណ្ឋាគារ​មួយ​នេះ គឺមាន​ចម្រុះ​ជាតិ​សាសន៍ ដូចជា​ជនជាតិ​អឺរ៉ុប កូរ៉េ ចិន ហើយក៏​មាន​ជនជាតិខ្មែរ​ផងដែរ។

ជាមួយនឹង​ដំណើរការ​នៃ​ភាព​រីកចម្រើន លើ​វិស័យ​បដិសណ្ឋារកិច្ច​ចំពោះ​បណ្តា​ភ្ញៀវទេសចរ​ជាតិ អន្តរជាតិ​បាន​ជួយ​ជំរុញ​ឲ្យ​វិស័យនេះ កាន់តែ​មាន​ភាព​រីក​ច​ម្រើ​ម​ថែមទៀត។

ប្រធាន​សមាគម​ទីភ្នាក់ងារ​ទេសចរណ៍​កម្ពុជា លោកស្រី ឆាយ ស៊ីវ​លីន ក៏​ធ្លាប់​បានបញ្ជាក់​ផងដែរ​ថា វិស័យ​បដិសណ្ឋារកិច្ច​នៅ​កម្ពុជា ពិសេស​សណ្ឋាគារ​ចាប់ពី​កម្រិត​ផ្កាយ​បួន​ឡើង គឺមាន​គុណភាព​ល្អប្រសើ​រ និង​មាន​ភាពល្បីល្បាញ​នៅក្នុង​តំបន់ ដោយសារ​សណ្ឋាគារ​នៅ​កម្ពុ​ជាមាន​សេវាកម្ម​ល្អប្រសើរ និង​មានគុណ​ភាពល្អ​ជាង​បណ្តា​ប្រទេស​មួយចំនួន​ផងដែរ។ លោកស្រី​បន្តថា ទន្ទឹមនឹង​ភាព​ប្រកួតប្រជែង​កើនឡើង បានធ្វើឱ្យ​អ្នកវិនិយោគ​សណ្ឋាគារ កាន់តែ​ពង្រឹងគុណភាព​សេវាកម្ម​របស់ខ្លួន ដើម្បី​ទាក់ទាញ​ភ្ញៀវទេសចរ​ជាតិ និង​អន្តរជាតិ។

លោកស្រី​បន្តថា “នៅពេល​មានការ​ប្រកួតប្រជែង​កើនឡើង មានន័យថា មាន​ភាព​រីកចម្រើន​នៅក្នុង​វិស័យ​មួយ​នេះ” ៕

ប្រភព : www.propertyarea.asia