ភ្នំពេញ៖ ដំណឹងល្អ! ក្រុមហ៊ុន KRUSENERGY បានប្រកាសថា កម្ពុជានឹងអាចទាញយកដំណក់ប្រេងបាន ៣០ម៉ឺនបារ៉ែលក្នុមួយថ្ងៃ នៅចុងឆ្នាំ២០១៩ខាងមុខនេះ។
រដ្ឋាភិបាលកម្ពុជាបានចុះកិច្ចព្រមព្រៀងជាមួយក្រុមហ៊ុន KRISENERGY កាលពីចុងឆ្នាំ២០១៧កន្លងមកនេះ ដើម្បីអនុញ្ញាត្តឲ្យក្រុមហ៊ុននេះធ្វើសកម្មភាពរបស់ខ្លួន ទាញយកប្រេងពីតំបន់ប្លុកអេនៅក្នុងដែនទឹកកម្ពុជា ដែលស្ថិតនៅក្បែរដែនសមុទ្រអន្តរជាតិ។
យោងតាមសេចក្តីប្រកាសព៌តមានរបស់ ក្រុមហ៊ុន KRISENGERGY បានឲ្យដឹងកាលពីពេលថ្មីៗនេះថា ក្រុមហ៊ុន SJ Production Barge Ltd ដែលជាបុត្រសម្ព័ន្ឋរបស់ខ្លួនបានផ្តល់កិច្ចសន្យាទៅឲ្យក្រុមហ៊ុន Keppel Shipyard Ltd ដើម្បីធ្វើការកែលំអរនិងធ្វើឲ្យប្រសើរឡើងនូវនាវាផលិតកម្មរបស់ខ្លួន ដែលមានតម្លៃ២២លានដុល្លារអាមេរិក។
ក្រុមហ៊ុន KRISENERGY បាននិងកំពុងរុករកប្រេងពីតំបន់ប្លុកអេ ដែលមានទំហំ៣០០០គីឡូម៉ែត្រការ៉េ ដែលជាតំបន់មានជម្រៅទឹកចន្លោះពី៥០ទៅ៨០ម៉ែត្រ។
យោងតាមការព្យាករណ៍ពីរដ្ឋាភិបាលកន្លងមកបានរំពឹងថា កម្ពុជាអាចនឹងទទួលបានផលពីដំណក់ប្រេងរបស់ខ្លួនប្រមាណ៥០០លានដុល្លារក្នុងមួយឆ្នាំ។
អគ្គនាយកប្រេងកាត នៃក្រសួងរ៉ែ និងថាមពលលោក ជៀប សួរ បានលើកឡើងនៅក្នុងសន្និសីទព័ត៌មានកាលពីពេលថ្មីៗនេះថា នៅក្នុងឆ្នាំ២០១៩ខាងមុខនេះ កម្ពុជានឹងបានដំណើរការគម្រោងអភិវឌ្ឍន៍ធំៗចំនួនពីរ គឺគម្រោងអភិវឌ្ឍន៍ប្រេងកាតប្លុកA និងគម្រោងរោងចក្រចម្រាញ់ប្រេងផងដែរ ក្នុងនោះចំពោះការអភិវឌ្ឍន៍អណ្តូងប្រេងកាតប្លុកA គឺបានកំពុងសម្រួលលើកិច្ចការមួយចំនួនជាមួយក្រសួង ក្នុងនោះគណៈកម្មការអន្តរក្រសួង បានពិនិត្យជាប្រចាំលើកការងារវាយតម្លៃបច្ចេកទេស និងមានការប្រជុំជាមួយក្រុមហ៊ុនជារៀងរាល់ខែផងដែរ ដើម្បីឈានទៅអនុវត្តន៍ ក្នុងដំណើរការឆ្ពោះទៅផលិតប្រេង ។
បន្ទាប់ពីការចុះហត្ថលេខាជាមួយរាជរដ្ឋាភិបាល ក្រុមហ៊ុន KRISENERGY បានអនុវត្តន៍ការងារជាច្រើនផងដែរដូចជា ការយកគំរូទឹកសមុទ្រនៅតំបន់ប្លុកអេយកទៅវិភាគ និងនៅថ្ងៃទី១៣ ខែមិនា ខាងមុខនេះ ក្រុមហ៊ុននឹងបញ្ជូនកប៉ាលទៅមួយទៀត ដើម្បីសិក្សាពីសណ្ឋានដី នឹងចាប់ផ្តើមសាងសង់មូលដ្ឋានប្រេងកាត។ ឯកឧត្តមបន្តថា បច្ចុប្បន្នក្រុមហ៊ុនកំពុងគូសប្លង់គម្រោងសាងសង់ ហើយសម្រាប់ជំហានបន្ទាប់ គឺការដាក់ដេញថ្លៃការសាងសង់មូលដ្ឋាននោះ។ ក្រោយពីគម្រោងអភិវឌ្ឍន៍ខាងលើ ក្រុមហ៊ុនបានសិក្សារួចហើយ ក្នុងការបញ្ជូនផលិតកម្មញែកល្បាយប្រេង និងការដាក់ឲ្យដេញថ្លៃក្នុងពេលឆាប់ៗផងដែរ ។
លោកបន្តថា ទាក់ទិននឹងគម្រោងអភិវឌ្ឍន៍អណ្តូងប្រេងប្លុកះអេនេះ ក្រុមហ៊ុនតែងតែចូលរួមប្រជុំបច្ចេកទេសជាមួយក្រសួង និងការធ្វើប្រជាបតិជាមួយអ្នកនេសាទ នៅក្នុងទឹកដីខេត្តកោះកុង ព្រះសីហនុ និងខេត្តកំពត រួមជាមួយអាជ្ញារខេត្ត ស្រុក ដើម្បីធ្វើការពិគ្រោះបល់ ដើម្បីឈានដល់ដំណើរការខូងអណ្តូងប្រេងកាត នៅលើគម្រោងអភិវឌ្ឍន៍របស់ខ្លួននៅក្នុងពេលឆាប់ៗខាងមុខនេះ៕
ប្រភព : www.propertyarea.asia
