ភ្នំពេញ៖ ការចូលមកដល់នៃហាងល្បីៗនៅទីក្រុងភ្នំពេញ មិនទាន់បញ្ចប់ទេ ទីក្រុងនេះបាននិងកំពុងបន្តទាក់ទាញអ្នកវិនិយោគជាតិ អន្តរជាតិកាន់តែច្រើន ដើម្បីស្វែងរកប្រាក់ចំណេញ ក៏ដូចជាបង្ហាញកេរ្ត៍ឈ្មោះរបស់ខ្លួននៅក្នុងទីផ្សារ ដែលមានការរីកចម្រើនយ៉ាងលឿននេះ។
ជាក់ស្តែងបន្ទាប់ពីសាងសង់រួច និងបើកឲ្យដំណើរការហាងទំនិញ និងភោជនីយ ដ្ឋាននិមួយៗចូលដេគ័រ នៅក្នុងផ្សារទំនើបស្តង់ដារអន្តរជាតិ The Bridge Lifestyle Mall ដែលមានទីតាំងក្បែរមជ្ឈមណ្ឌលកោះពេជ្រ កំពុងលេចរូបរាងពេញលេញជាបណ្ដើរៗហើយ ដោយថ្មីៗនេះអគារទាំងមូលទើបតែស្វាគមន៍ហាងកាហ្វេ Brand កំពូលមួយរបស់ពិភពលោកគឺ Starbucks ដែលបានសម្ភោធជាផ្លូវការកាលពីខែមុននេះ។
ជាមួយគ្នានោះ ហាង A Nice Gift ដែលជាហាងតែទឹកដោះគោថ្មីមួយនៅកម្ពុជា ដោយបាននាំយករសជាតិដើមបែបហុងកុង ដំបូងបំផុតដែលពុំធ្លាប់មានពីមុននៅស្រុកខ្មែរ ក៏បានបើកលក់ជាផ្លូវការរួចដែរនៅទីនោះ។
តាមការឲ្យដឹងពីក្រុមការងារផ្សារទំនើបនេះបានបញ្ជាក់ថា នៅមានហាងអាហារ ល្បីៗជាច្រើនទៀតដូចជា ហាងនំប៉័ង Tous Les Jours ហាងកាហ្វេដ៏ល្បីប្រចាំប្រទេសថៃInthanin និងហាងតែពីចិនHeekaa នឹងត្រៀមបើកក្នុងពេលដ៏ខ្លីខាងមុខ សម្រាប់ឲ្យអតិថិជនសាកល្បង ក៏អាចរីករាយបានជាមួយនឹងរសជាតិថ្មីទាំងអស់នេះ។
ក្រៅពីហាងអាហារ និងភេសជ្ជៈ ផ្សារទំនើបបើកចំកណ្ដាលក្រុងមួយនេះ នៅមានហាងយីហោល្បីៗច្រើនសន្ធឹកទៀត ដូចជា ហាងទំនិញកម្រិតគុណភាពស្តង់ដារជប៉ុន Miniso ហាងនាឡិកាម៉ាកល្បីពីអឺរ៉ុប Paris Star ហាងលក់សំលៀកបំពាក់ដែលកំពុងពេញនិយមZando ហាងកែសម្ផស្សនិងមាស្ស៉ា Eliza និង L’oreal ដែលជាគ្រឿងសំអាងម៉ាកល្បីមកពីបារាំងជាដើម។
ជាមួយនឹង Brands មួយចំនួន ដូចជា Huawei, Vidvie, WK Remax, VR Gaming, Konfulon បូករួមទាំង Brand ផ្សេងៗជាច្រើនទៀត ដែលទាំងអស់នេះបានធ្វើអោយ The Bridge Lifestyle Mall ក្លាយជាផ្សារទំនើបទីមួយនៅភ្នំពេញ ដែលផ្តល់ឳកាសដល់អ្នកដើរផ្សាររីករាយក្នុងការទិញផលិតផល និងគ្រឿងអេឡិចត្រូនិចចំរុះគ្រប់ប្រភេទ ជាមួយនឹងទីតាំងកម្សាន្តដ៏ធំមួយសម្រាប់កុមារតូចៗ និងមនុស្សធំរីករាយជាមួយហ្គេមអេឡិចត្រូនិចលក្ខណៈពិតៗ និងជាក់ស្តែង ហើយក៏អាចសំរាក និងរីករាយជាមួយមិត្តភក្កិ ក្រុមគ្រួសារថែមទៀតផង។
The Bridge Lifestyle Mall បើកសម្ពោធផ្លូវការនាចុងឆ្នាំនេះហើយ បើសិនជាអតិថិជនមានចំណាប់អារម្មណ៍ ចង់ជួលទីតាំងបើកអាជីវកម្ម សូមទាក់ទង៖- លេខទូរសព្ទ៖099 999 691- អ៊ីម៉ែល៖ [email protected] – វេបសាយ៖ www.urbanassetsolutions.com – Facebook Page: The Bridge Lifestyle Mall ៕
ប្រភព : Property area
