Ad

រោងចក្រកាត់ដេររបស់ចិនចំនួន៤ក្រុមហ៊ុន បានចាប់ផ្តើមសាងសង់នៅតំបន់សេដ្ឋកិច្ច ខេត្តព្រះសីហនុ

Thu, 08 Mar 2018

ខេត្តព្រះសីហនុ៖ យោងតាមរយៈទំព័រហ្វេសបុកជាផ្លូវការរបស់ ក្រុមប្រឹក្សាអភិវឌ្ឍន៍កម្ពុជាបានប្រកាសឱ្យដឹងថា ក្រុមហ៊ុនរោងចក្រកាត់ដេររបស់ចិនចំនួន ៤ បាននឹងកំពុងតែមានគម្រោងធ្វើការសាងសង់លើទឹកដីខេត្តព្រះសីហនុ។

រយៈពេលកន្លងៗមក យើងបានដឹងរួចមកហើយថា ប្រទេសចិនបានចូលរួមវិនិយោគទុនយ៉ាងច្រើននៅក្នុងតំបន់សេដ្ឋកិច្ចពិសេស និងតំបន់ពាណិជ្ជកម្មស្ទឹងហាវ ដែលគម្រោងនឹងដំណើរការនៅដើមឆ្នាំ ២០១៩ខាងមុខនេះ។ ការចូលរួមខាងវិស័យកាត់ដេររបស់ក្រុមហ៊ុនចិនអាចជាការចាប់ផ្តើមមួយនៅក្នុងគម្រោងសេដ្ឋកិច្ចពិសេសមួយនេះផងដែរ។

តំបន់សេដ្ឋកិច្ចពិសេស និងតំបន់ពាណិជ្ជកម្មស្ទឹងហាវ

បន្ថែមពីនេះ ក្រុមប្រឹក្សាអភិវឌ្ឍន៍កម្ពុជាបានឱ្យដឹងផងដែរថា ក្រុមហ៊ុនឧស្សាហកម្មកាត់ដេរ បានប្រើទុនវិនិយោគយ៉ាងច្រើនក្រាស់ក្រាល់លើទឹកដីខេត្តព្រះសីហនុដោយមានព័ត៌មានលម្អិតដូចជា៖

១) CAMBODIAN YUNKUN CO., LTD : គម្រោងបង្កើតរោងចក្រកាត់ដេរសម្លៀកបំពាក់, មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ ខេត្តព្រះសីហនុ, មានទុនវិនិយោគចំនួន ២លានដុល្លារអាមេរិក និងអាចបង្កើតការងារបានចំនួន ២៦៦កន្លែង។

២) HISAO INTERNATIONAL (CAMBODIA) GARMENT CO., LTD. :គម្រោងបង្កើតរោងចក្រកាត់ដេរសម្លៀកបំពាក់, មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ ខេត្តព្រះសីហនុ, មានទុនវិនិយោគចំនួន ៤លានដុល្លារអាមេរិក និងអាចបង្កើតការងារបានចំនួន ២៧០កន្លែង។

៣) AUROTIME NEW MATERIALS CO., LTD.: គម្រោងបង្កើតរោងចក្រផលិតសារធាតុ Vanadium Pentoxide, Ammonium Metavanadate, Molybdenum oxide,និង Ferronickel មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ ខេត្តព្រះសីហនុ, មានទុនវិនិយោគចំនួន ១២លានដុល្លារអាមេរិក និងអាចបង្កើតការងារបានចំនួន ១៧៨កន្លែង។

៤) SIHANOUKVILLE SPECIAL ECONOMY ZONE THERMAL POWER CO., LTD.: គម្រោងបង្កើតរោងចក្រអគ្គិសនីដោយប្រើថាមពលធ្យូងថ្ម (ទំហំ ១០០មេកាវ៉ាត់) , មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ ខេត្តព្រះសីហនុ, មានទុនវិនិយោគប្រមាណ ៤១,១៩លានដុល្លារអាមេរិក និងអាចបង្កើតការងារបានចំនួន ៧៥កន្លែង។

តំបន់សេដ្ឋកិច្ចពិសេស និងតំបន់ពាណិជ្ជកម្មស្ទឹងហាវ

គួរបញ្ជាក់ផងដែរថា បច្ចុប្បន្ននេះ តំបន់សេដ្ឋកិច្ចពិសេសខេត្តព្រះសីហនុ បានក្លាយជាទិសដៅដ៏សំខាន់នៅក្នុងការវិនិយោគទាំងក្នុងស្រុក និងក្រៅស្រុក យោងតាមផែនការរបស់ប្រមុខរាជរដ្ឋាភិបាលនៅក្នុងការអភិវឌ្ឍន៍សេដ្ឋកិច្ចជាតិ និងហេដ្ឋារចនាសម្ព័ន្ធនានាផងដែរ៕

យោងតាមប្រភព៖ ទំព័រហ្វេសបុកផ្លូវការរបស់ ក្រុមប្រឹក្សាអភិវឌ្ឍន៍កម្ពុជា The Council for the Development of Cambodia 

LATEST ARTICLES
ដើម្បី​លក់​ផ្ទះ​ឆាប់​ដាច់​សូម​អនុវត្តន៍​ជំហាន​ទាំង៥​នេះ​ ភ្នំពេញ៖ ការលក់ផ្ទះ មិនមែនដូចការលក់បន្លែនៅលើទីផ្សារទេ ព្រោះ​ផ្ទះជាអចលនទ្រព្យធំមានតម្លៃខ្ពស់ និងជាអចលនទ្រព្យសម្រាប់បំរើ​ការរស់នៅ ហេតុនេះ ការលក់ផ្ទះពិតជាពិបាក តែក៏មិនពិបាកបើសិនជា​លោកអ្នកអនុវត្តន៍តាមអ្នក... Tue, 18 Sep 2018
SEA GATE SUITE ខុនដូតម្លៃជាង ១០០លានដុល្លារ ស័ក្តិសមសម្រាប់ការវិនិយោគ ភ្នំពេញ៖ ជាមួយនឹងការមកដល់នៃអ្នកវិនិយោគអន្តរជាតិ កំនើនភ្ញ​ៀវទេសចរណ៍ ខុនដូ SEA GATE SUITE បានក្លាយជាគំរោងមួយដែល​ស័ក្តិសមសម្រាប់ការវិនិយោគ ដោយសារកំនើនតម្រូវការបន្ទប់ស្នា​ក់នៅកើនខ្ពស់ជាប្រចាំ។ Tue, 18 Sep 2018
ហេតុផលសំខាន់ៗដែលអ្នកគួរទិញខុនដូរស់នៅ ភ្នំពេញ៖ ខុនដូឬលំនៅដ្ឋានបែបសហកម្មសិទ្ឋ កំពុងបង្កើននូវប្រជាប្រិយ​ភាពរបស់ខ្លួន ដោយវត្តមានអាគារសហកម្មសិទ្ឋនេះ កំពុងផ្លាស់ប្តូរ​បែបផែននៃការរស់នៅរបស់ប្រ​ជាជនកម្ពុជា ខណៈដែលទីក្រុងកាន់តែ​ចង្អៀត និងការរស់នៅកាន... Mon, 17 Sep 2018