បន្ទាយមានជ័យ៖ នៅព្រឹកថ្ងៃទី១១ ខែមិថុនា ឆ្នាំ២០២៦នេះ សម្តេចតេជោ ហ៊ុន សែន ប្រមុខរដ្ឋស្តីទីនៃកម្ពុជា បានប្រាប់ទៅកាន់អាជ្ញាធរឱ្យចាត់វិធានការច្បាប់បង្ក្រាបលើក្រុមឈ្មួញនាំចូលសាច់បង្កកពីប្រទេសថៃ។

លើសពីនេះ សម្តេចតេជោ ហ៊ុន សែន ក៏បានប្រកាសមិនលើកលែងនោះទេ ចំពោះមន្ត្រីណាដែលពាក់ព័ន្ធអមដំណើរនាំចូលសាច់បង្កកទាំងនោះមកកាន់កម្ពុជា។ សម្តេចតេជោ ហ៊ុន សែន បានថ្លែងបែបនេះក្នុងឱកាសសំណេះសំណាលជាមួយមន្ត្រីក្រុមប្រឹក្សា ថ្នាក់ដឹកនាំមន្ទីរ អង្គភាពនានានៅខេត្តបន្ទាយមានជ័យ ជាង ១.០០០នាក់។

សម្តេចតេជោថែមទាំងបញ្ជាក់ទៀតថា សម្តេចនឹងតាមរកមុខរាល់ឈ្មួញដែលនាំទំនិញពីប្រទេសថៃ។ សម្តេចតេជោ ក៏បានសង្កត់ធ្ងន់ដែរថា រយៈពេលមួយឆ្នាំហើយដែលថៃបានបិទព្រំដែនជាមួយកម្ពុជា តែមិនបានបង្កបញ្ហាណាមួយមកលើកម្ពុជាពាក់ព័ន្ធបញ្ហាទំនិញនោះទេ តែផ្ទុយទៅវិញ ថៃបានបាត់បង់ថវិកាប្រមាណ ១០ពាន់លានដុល្លារ តាមរយៈការលក់ទំនិញមកកម្ពុជា៕

ដោយ៖khmerhome